ແຕ່ກໍໂຊກດີວ່າມີນັກຄົ້ນຄວ້າຫລາຍຄົນໄດ້ອອກແບບຕົວອັກສອນລາວ ແລະແຜ່ນພິມເປັນພາສາລາວ ມາຮັບໃຊ້ຜູ່ໃຊ້ໂທຣະສັບ ຣະບົບ Android. ສິ່ງເຫລົ່ານີ້ເປັນບາດກ້າວສຳຄັນ ພາໃຫ້ ການນຳໃຊ້ພາສາລາວ ໃນຣະບົບນີ້ ສະດວກຂຶ້ນ.
ເຖິງປານນັ້ນກໍຕາມ ການຕິດຕັ້ງ ພາສາລາວເຂົ້າໄປໃນ ຫນ່ວຍໂທຣະສັບລົງໃສ່ມືຖື Android ໂດຍທົ່ວໄປ ກໍຍັງມີອຸປສັກຫລາຍແນວ ເພາະວ່າໂທຣະສັບ Android ຫລາຍຊນິດ ຍັງໃຊ້ພາສາລາວ ບໍ່ໄດ້. ຕອນນີ້ປາກົດວ່າ ມີແຕ່ໂທຣະສັບຈາກບໍຣິສັດ ແຊມຊັງ (Samsung) ລຸ່ນ ງາລັກຊີ (Galaxy series) ທີ່ ສາມາດຕິດຕັ້ງພາສາລາວ ໄດ້ງ່າຍ.
ຂພຈເອງ ແຕ່ກ່ອນ ເຄີຍໃຊ້ ໂທຣະສັບ Android ຜລິດຈາກບໍຣິສັດ HTC ແຕ່ໃຊ້ພາສາລາວບໍ່ໄດ້. ດຽວນີ້ຂພຈໄດ້ປ່ຽນໄປໃຊ້ ໂທຣະສັບ Samsung S3. ຫລັງຈາກ ດາວໂລດ ເອົາແອປ ຕ່າງໆມາເຂົ້າເຄື່ອງແລ້ວ ຂພຈ ສາມາດອ່ານ ແລະຂຽນພາສາລາວ ໃສ່ໃນໂທຣະສັບນັ້ນໄດ້.
ສນັ້ນຂພຈເລີຍຖືໂອກາດແບ່ງປັນ ປະສົບປະການ ມາໃຫ້ທ່ານທີ່ສົນໃຈອ່ານ ແລະລອງເອົາໄປທົດລອງໃຊ້ນຳກັນ.
ຕ້ອນແຣກ ແມ່ນດາວໂລດ ເອົາຕົວອັກສອນລາວ ສຳລັບ Android ຢຸ່ Play Store/ apps. ຖ້າທ່ານຕີ Lao fonts for Android ໃສ່ Search ທ່ານມີຫລາຍແບບ ທີ່ທ່ານຈະເລືອກ ເປັນຕົ້ນ Saysettha OT ຈາກ Lao Font for Galaxy, ຫລື Phetsarath Droid ...ເລືອກເອົາ ອັກສອນໃດກໍໄດ້.
ຫລັງຈາກທີ່ດາວໂລດແລ້ວ ທ່ານຕິດຕັ້ງຕົວອັກສອນໄດ້ໂລດ ໂດຍເດີນຕາມບາດກ້າວຂ້າງລຸ່ມນີ້:
1.ເປີດ Settings Menu ຢຸ່ໂທຣະສັບ Galaxy
2. ກົດ Display.
3. ກົດ Font Style.
4. ເລືອກເອົາ on Lao font for Samsung Galaxy ແລ້ວກົດ ok
ເບິ່ງຮູບຂ້າງລຸ່ມເປັນຕົວຢ່າງ
App Screenshots
ຂັ້ນຕໍ່ໄປແມ່ນດາວໂລດ ເອົາ mini Opera browser ຈາກ Play Store/ apps ມາອ່ານພາສາລາວ ເພາະວ່າ browser ອື່ນໆເປັນຕົ້ນ Mozilla ແລະ Chrome ເຮັດໃຫ້ຕົວຫນັງສືລາວຫັ້ນ ຊະກັນໄປຫມົດ.
ບັ້ນສຸດທ້າຍ ແລ້ວແມ່ນດາວໂລດ ເອົາແປ້ນພິມພາສາລາວ. ຂພຈ ເລືອກເອົາ MultiLing Keyboard ເນື່ອງຈາກວ່າ ເຮົາສາມາດເລືອກພິມ ຫລາຍພາສາ . ແຕ່ຂໍ້ສຳຄັນແລ້ວ ເມື່ອເວລາຕິດຕັ້ງ ແມ່ນ ພວກເຮົາຕ້ອງເຊັກ Multiling Keyboard ຢຸ່ Keyboards and Input Methods ໃນ Setting Menu. ເມື່ອ ກົດ Enable languages ເພື່ອເລືອກພາສາລາວ ນັ້ນແມ່ນກົດຈົນລົງຮອດລຸ່ມສຸດພຸ້ນ ຈົນເຫັນ"ພາສາລາວ" ແລ້ວເຊັກ ເອົາ. ຢ່າໄປຊອກຫາ Lao ເພາະວ່າມັນບໍ່ມີ ຢູ່ໃນຣາຍການ ທີ່ຣະບຸໄວ້.
ຫລັງຈາກຕິດຕັ້ງແລ້ວ ທ່ານຈະສາມາດພິມພາສາລາວ ໃນໂທຣະສັບ Android ຂອງບໍຣິສັດ Samsung ໄດ້.
ຂພຈ ເຊື່ອແນ່ວ່າມີຫລາຍຄົນ ເຮັດໄດ້ກ່ອນ ແລະຮູ້ເຣື່ອງນີ້ດີ. ຖ້າມີອັນໃດ ທີ່ເປັນການຕິຕຽນທີ່ເປັນຜົນປະໂຍດ ກະຣຸນາ ແບ່ງປັນໃຫ້ກັນຮູ້ ດ້ວຍ.
ຂອບໃຈ
