Weekly Review #14, 2009 - Special Edition- Part II

ສະລອງປີໄຫມ່ຢູ່ວັດພຸທຣາມ ປີ ໒໕໕໒ ທີ່ຊັນດີເອໂງ ພາກ ໒

____________________________________________________________________

ພິທີທາງສາສນາ

ຫລັງຈາກຣາຍາການ ແຫ່ນາງ ສັງຂານເສັດສິ້ນແລ້ວ ບັນດານາງສັງຄານ ພ້ອມດ້ວຍຜຸ່ອະວຸໂສ ພາຍໃຕ້ການນຳຂອງ ພຣະສົງທັງຫລາຍ ພາກັນເລີ້ມພິທີທາງສາສນາ ໃຫ້ຈະເຣີນພອນແກ່ ພະພຸທນິກະຊົນທັງຫລາຍ ມີອາຍຸວັນໂນ ສຸຂາພາລັງ (ພາບເທິງແລະລຸ່ມ).

ອາຣັກຂາຜູ່ນີ້ເອົາການດີເວີຍ! ຫນ້າສັນລະເສີນ.

ວົງດົນຕຣີພຶ້ນເມືອງ ອັນປະກອບດ້ວຍລະນາດ ຄ້ອງວົງ ຄຸ່ຍແລະກອງວົງ ແລະນັກດົນຕຣີ ພາກັນຂັບກ່ອມເພງລາວເດີມ ອັນເກົ່າແກ່ ມາໃຫ້ພໍ່ແມ່ພີ່ນ້ອງລາວເຮົາທີ່ມາ ຮັບເອົາພອນປີໄຫມ່ນຳຄູບາອາຈານ.

ຮູບຂ້າງເທິງ ຄືເຄື່ອງບູຊາ ວາງສີລາລືກ. ຮູບຂ້າງລຸ່ມ ແມ່ນໂຕະທີ່ເຕັມໄປດ້ວຍຫີນແລະດິນຊາຍ ຂອງເຄື່ອງບູຊາ ວາງສີລາລືກ ຂອງຫໍແຈກທີ່ຈະໄດ້ເລີ້ມຈັດສ້າງຂຶ້ນພາຍໃນປີນີ້. ອີງຕາມຂໍ້ມູນຈາກກັມມະການວັດ ທາງຫ້ອງການເມືອງ ຫາກໍໄດ້ອອກໃບອະນຸຍາດ ໃຫ້ປຸກຫໍແຈກນີ້ຂຶ້ນ ຕົ້ນເດືອນເມສານີ້. ປີຫນ້າປີໃນ ຖ້າສັດທາພຽງພໍ ພວກເຮົາມີຫ້ອງແຈກມາດຕະຖານແລ້ວເພິ່ນວ່າ. ເຊີນຮ່ວມໂມທະນາ ເອົາບຸນນຳກັນເດີ ພີ່ນ້ອງເອີຍ!

____________________________________________________________________

ຣາຍການອາຫານ

ເມື່ອເຮັດບຸນແລ້ວໆ ອອກຕົນຍາດຍົມາກັນເລາະເບິ່ງຕາດຮ້ານອາຫານຕ່າງໆ ວ່າອັນໃດແຊບ.

ຕຳຫມາມຮຸ່ງຂາຍຂາດແຕ່ເຊົ້າເຖິງແລງ

ເຂົ້າປຽກຕາດນີ້ ຂາຍດີຂນາດເລີຍ. ຂ້ອຍສັ່ງສີ່ຖ້ວຍ ໄດ້ຖ້າເປັນເຄິ່ງຊົ່ວໂມງຄ່ອຍໄດ້ ແຕ່ວ່າ ແຊບຫລາຍເດີ. ໃຜບໍ່ໄດ້ກິນເສັຍໄຈ.

ອາກາດຂອງມື້ເຮັດບຸນຮ້ອນພິເສດ ໙໓ ອົງສາ ຟາແຣນຮາຍ. ນ້ຳທຸກຊະນິດຂາຍອອກຫມົດ. ແຊບສຸດແມ່ນໂອລ້ຽງ!!!

ຈືນມັນ ຈືນກວ້າຍບ້ານເຮົາກໍມີ...ຈືນອອກມາຢ່າງສົດໆໂລດ. ນອກນັ້ນຍັງມີກັບແຈ່ວປາແດກ ແລະແຈ່ວບອງ ພ້ອມດ້ວຍຊີ້ນແຫ້ງ ມາຂາຍດ້ວຍ.
ກິນເຂົ້າແຊບໆ ແລະມ່ວນສະບາຍໂລດ ພີ່ນ້ອງເຮົາ ເພາະເຈົ້າຫນ້າທີ່ຕຳຣວດ ປະຈຳເມືອງຊັນດີເອໂງເຮົາທັງໄດ້ເຂົ້າມາຮ່ວມນຳ ທັງປະກອບສ່ວນການຮັກສາ ຄວາມສງົບ....
ນຳເຈົ້າຫນ້າຮັກສາຄວາມປອດໄພຍຂອງເອກະຊົນ ອີກດ້ວຍ.
____________________________________________________________________
ຣາຍການບັນເທິງ
ໂຄສົກປະຈຳງານກ່າວເປີດພິທີມ່ວນຊື່ນ
ຫມໍລຳລາວທີ່ມີຊື່ດັງ ກຳລັງລຳກ່ອມຜູ່ຊົມ ຄູ່ກັນກັບຫມໍແຄນ ໂອນເຊິນ

ຫມໍແຄນ ໂອນເຊິນກຳລັງໂຊດ່ຽວ
ນັກຮ້ອງຍິງນ້ອຍກຳລັງໂຊຟອມ ສຽງມ່ວນຫລາຍ..
ນັກຮ້ອງຫລານນ້ອຍຜູ່ນີ້ແຮງພາໃຫ້ພໍ່ແມ່ພີ່ນ້ອງ ເຮົາຊ໊ອກເລີຍ ທັງຮ້ອງເພງມ່ວນທັງຟ້ອນງາມດ້ວຍ. ຫລານຜູ່ນີ້ມີພອນສວັນແທ້ເດີ. ບໍ່ດົນຄົງຈະເຫັນປະກົດຕົວ ຢູ່ ຣາຍການ American Idol...
ບັນດາແຂກທັງຫລາຍທີ່ເຂົ້າມາຮ່ວມໃນງານບຸນປີນີ້

ແລະແຂກຜູ່ສຳຄັນທີ່ສຸດ ທີ່ຈະສືບຕໍ່ຮັກສາປະເພນີອັນສວຍງາມເຮົາ ໃນອະນາຄົດ.
I'm the next Lao-American generation who will carry on our beautiful Lao heritage...

Weekly Review #14, 2009 - Special Edition- Part I

ງານສລອງບຸນປີໄຫມ່ລາວ ໒໕໕໒ ທີ່ວັດລາວພຸທຣາມ ເມືອງຊັນດີເອໂງ
_________________________________________

ສະຖານທີ່ສົງພຣະ

ຮູບພຣະທີ່ໄດ້ເອົາລົງມາໃຫ້ ພຸທສນິກະຊົນສົງ

ຮາງນ້ຳສົງພຣະ ທີ່ເຕັມໄປດ້ວຍຮູບລາຍແກະ ຢ່າງສວຍງາມ

ຝຸ່ນຂອງອະດີດພຣະອາຈານສິງທອງ ອະດີດຫົວຫນ້າພຣະສົງລາວທີ່ອະເມຣິກາ ແລະອະດີດເຈົ້າອະທິການວັດ

ຖ້ຳໄວ້ພຣະ
ພາບລວມຂອງສຖານທີ່ສົງພຣະ
----------------------------------------------------------------------------------------
ພິທີແຫ່ນາງສັງຂານ

ຂະບວນພະສົງອອກຫນ້າ
ຂະບວນປະຊາຊົນຕຽມຕິດຕາມ
ພ້ອມດ້ວຍນາງສັງຂານປະຈຳປີ ໒໕໕໒ (ນາງ ນິໂກນ ໄອຊັນ)
ແລະຄນະນາງສັງຂານ
ນາງສັງຂານພ້ອມດ້ອຍຄນະແລະອາຣັກຂາເລີ້ມແຫ່ຂະບວນ
ເຖົ້າແກ່ມາຮ່ວມແຫ່ນຳກັນ
ເຍົາວະຊົນເຂົ້າຮ່ວມໃນຂະບວນ

ຂະບວນລຸກໆຫລານໆລາວກຳລັງຕິດຕາມໄດ້ຕລອດ
ມີແຂກຕ່າງປະເທດ ຄືຫມໍລຳ ຈອນນີ ໂອເຊີນ ແລະນັກຟ້ອນຍິງຈາກພະມ້າເຂົ້າມາຮ່ວມນຳ
ພໍ່ແມ່ພີ່ນ້ອງລາວເຮົາສາມັກຄີກັນມາແຫ່ນຳເປັນຫລາຍຮ້ອຍໆຄົນ
ຈົນອ້ອມເຕັມເດີນວັດ
ໃນນັ້ນກໍມີຂະບວນຂອງພໍ່ແມ່ແລະພີ່ນ້ອງຂອງນາງສັງຂານ
-------------------------------------------------------------------------------------------------
ພິທີສົງນ້ຳພຣະ

ເຖົ້າແກ່ພານາງສັງຂານສົງນ້ຳ
ພ້ອມດ້ວຍຄນະນາງສັງຂານ
ສົງນ້ຳເຮັດບຸນນຳກັນ
ສືບຕໍ່ຮັກສາປະເພນີອັນດີງາມລາວຕໍ່ໄປ

ນາງສັງຂານຮັບເອົາທະນູແລະມຸ່ງຫນ້າຄືນເຂົ້າໄປຫາຂະບວນ
ນາງສັງຂານກ້າວຂຶ້ນໄປສົງນ້ຳພະອົງໃຫຍ່
ນາງສັງຂານສົງນ້ຳພຣະແລ້ວ

Weekly Review #13, 2009

ຈາລຶກ ປະຫວັດສາດ... ______________________________________________________________________

ບົດຄວາມ
ໂດຍ ໂອມຜ່ຽງ

...ຕ້ອນຮັບ ອະນາຄົດ!
ເນື່ອງຈາກອາທິດນີ້ເປັນອາທິດທຳອິດ ຂອງປີໃຫມ່ລາວ ຂພຈຢາກປ່ຽນບັນຍາກາດໃຫມ່ ສຳລັບບລອກ ອາທິດນີ້. ຂພຈ ຢາກຊັກຊວນໃຫ້ພວກເຮົາຫວນຄືນຫລັງເບິ່ງວ່າ ເລີ້ມແຕ່ພວກເຮົາໃຊ້ ອິນເຕີເນັດມາ ໂລກນີ້ ໄດ້ມີການຫມູນປ່ຽນໄປຂນາດໃດ ແລະໄວເທົ່າໃດ. ພ້ອມນັ້ນມີຫຍັງແດ່ລໍຖ້າພວກເຮົາ ແລະລູກຫລານພວກເຮົາ ໃນອະນາຄົດຂ້າງຫນ້າ.

ໃນຣາຍການໂຊພາບຂ່າວຫນັງສັ້ນ ທີ່ທ່ານຈະເບິ່ງນີ້ ຜູ່ສ້າງຫນັງໃຫ້ຄວາມເຫັນວ່າ ປັດຈຸບັນ ທາງໂຮງຮຽນ ກະຕຽມນັກຮຽນນັກສຶກສາ ເພື່ອວຽກງານທີ່ຍັງບໍ່ມີເທື່ອ. ນັກຮຽນພວກນີ້ ຈະໃຊ້ເຕັກໂນໂລຈີ ທີ່ຍັງບໍ່ໄດ້ຄົ້ນເຫັນກັນເທື່ອ ເພື່ອມາແກ້ໄຂບັນຫາທີ່ຍັງບໍ່ເກີດຂຶ້ນເທື່ອ. ແລະອີກບໍ່ຮອດ 30ປີ ຄອມຣາຄາ ຕ່ຳກວ່າ $1000 ໂດລາ ຈະສາມາດມີພລັງຄິດໄລ່ ໄດ້ຫລາຍກວ່າມັນສຫມອງຂອງມະນຸດເຮົາ.

ທ່ານເດ ທ່ານຮູ້ສຶກວ່າຄອມນີ້ມາວົນວຽນນຳຊີວິດທ່ານ ຫລາຍປານໃດ?

ເຊີນຊົມ ໄດ້ເລີຍ http://www.youtube.com/watch?v=cL9Wu2kWwSY

ໂຊກດີປີໄຫມ່ອີກເທື່ອນຶ່ງ.

onelao.com

Weekly Review #12, 2009

ສະບາຍດີປີໃຫມ່ລາວ ພສ ໒໕໕໒ !

______________________________________________________________________
ບົດຄວາມ
ໂດຍ ໂອ່ມຜຽງ

ຄົນຫວ່າງງານ ໃນອະເມຣິກາ ທະວີຂຶ້ນ

ພາຍໃນ 6ເດືອນຫລັງທີ່ຜ່ານມາ ບັນດາຄົນງານໃນອະເມຣິກາຕົກງານ ປະມານ 6 ແສນຄົນຕໍ່ເດືອນ.

ອີງຕາມສະຖິຕິຫລ້າສຸດທີ່ ຊີ້ແຈງຢູ່ກະດານຂ້າງລຸ່ມນີ້ ຜູ່ອອກແຮງງານອະເມຣິກັນທົ່ວປະເທດ ຫວ່າງງານເຖິງ 5.2 ລ້ານຄົນ ຫລື 8.5%. ຣັຖໃດທີ່ມີອຸດສາຫະກັມໃຫຍ່ ຍິ່ງໄດ້ຮັບຜົລສະທ້ອນຫນັກກ່ຽວກັບ ການຮົດຕົວຂອງເສຖກິດຄັ້ງນີ້ ເປັນຕົ້ນ ຣັຖ ມິຊິກັນ (12%) ຣັຖ ກາລີຟໍເນັຍ (10.5%) ແລະຣັຖ ອໍຣິງັນ (10.4%). ນອກນັ້ນ ຣັຖທີ່ອີງໃສ່ທຸຣະກິດ ທາງທ່ອງທ່ຽວເຊັ່ນຣັຖ ເນວາດາ ໄດ້ຮັບການກະທົບກະເທືອນ ເຫມືອນກັນ (10.1%). ຣັຖ ກາໂຣລາຍນາເຫນືອ ຊຶ່ງເປັນສູນກາງບໍຣິຫານຈັດການ ທຸຣະກິດ ຂອງທະນາຄານທົ່ວປະເທດ ໄດ້ກາຍເປັນຣັຖ ມີຄົນຫວ່າງງານ ຫລາຍເຊັ້ນກັນ (10.7%) ຍ້ອນອັກະວິດການເງິນຂອງໂລກ.

ຖ້າຣວບລວມສະຖິຕິດັ່ງກ່າວ ໃສ່ສະຖິຕິຂອງບັນດາຄົນທີ່ເຮັດການຕ່ຳກວ່າ 40 ຊົ່ວໂມງຕໍ່ອາທິດ ຍ້ອນເຫດຜົລເສຖກິດ ເປີເຊັນທັງຫມົດຈະແລ່ນຂຶ້ນກາຍ 15%. ເວົ້າໄປແບບນຶ່ງແລ້ວ ນື່ງໃນຫົກຂອງຜູ່ທີ່ອອກແຮງງານບໍ່ມີວຽກເຮັດ ຫລືເຮັດວຽກບໍ່ເຕັມຊົ່ວໂມງ.

ຕາມນັກເສຖສາດຫລາຍຄົນ ກະຕວງໄວ້ວ່າ ເສຖກິດອະເມຣິກາຈະຮົດຕົວໄປເຖິງ ປີ2010 ແລະເມື່ອຟື້ນຕົວກໍຈະຟື້ນຕົວຄືນແບບຊ້າໆ. ສນັ້ນແລ້ວ ເປີເຊັນຂອງຜູ່ຕົກງານ ອາດຈະເພີ້ມຂຶ້ນຕື່ມອີກ ໃນໄຣຍະຂ້າງຫນ້ານີ້.

ສະພາບການແບບນີ້ ຈະມີຜົລໃຫ້ການຜລິດລຸດລົງ ປະມານ ນຶ່ງໂກດໂດລາຕໍ່ປີ ສຳລັບປີ 2009 ແລະປີ 2010. ສນັ້ນເງິນກະຕຸ້ນເສຖກິດ $787 ພັນລ້ານໂດລາ ທີ່ປະທານໂອບາມາ ທຸ້ມໃສ່ເສຖກິດ ໃນສອງເດືອນຫລັງຄົງຈະບໍ່ພໍ. ມັນອາດເປັນໄປໄດ້ ທີ່ທ່ານອາດຈະຕ້ອງກັບໄປຂໍເງິນນຳ ສະພາອອກມາກະຕຸ້ນເສຖກິດເປັນຊຸດສອງ.

ສຳຣັບຜູ່ທີ່ໄດ້ຮັບເງິນວ່າງງານນັ້ນ ສ່ວນຫລາຍແລ້ວ ມີສິດຂໍຕໍ່ໄດ້ຕື່ມອີກ 20 ອາທິດໃນຂັ້ນແຣກ.ຫລັງຈາກນັ້ນ ບາງຄົນ ອາດຈະຂໍກິນຕໍ່ໄດ້ອີກເປັນເທື່ອທີ່ສອງ ຖ້າຫາກຍັງຊອກການບໍ່ໄດ້ ພາຍຫລັງທີ່ໄດ້ຮັບເງິນຫວ່າງງານໄດ້ 20 ອາທິດ.

ສຳລັບຣາຍຣະອຽດ ໃຫ້ຕິດຕໍ່ໄປຫາກົມຫວ່າງງານ (EDD- Employment Development Department) ຂອງຣັຖທີ່ທ່ານຢູ່. ຕົວຢ່າງ ຢູ່ຣັຖ ກາລີຟໍເນັຍແມ່ນ http://www.edd.ca.gov/.

ຫລາຍຄົນໄດ້ແນະນຳມາວ່າ ການຕິດຕໍ່ໄປຫາ ກົມຫວ່າງງານນີ້ ຖ້າເປັນໄປໄດ້ ໃຫ້ຕິດຕໍ່ທາງ ອິນເຕີເນັດງ່າຍກ່ວາ ເພາະວ່າ ການຕິດຕໍ່ ທາງໂທຣະສັບລຳບາກຫລາຍ ເນື່ອງຈາກວ່າ ໂອກາດທີ່ຈະໄດ້ເວົ້ານຳຄົນແທ້ໆ ທາງໂທຣະສັບມີນ້ອຍ.

ຕາຕລາງ ຂອງສະຖິຕິຄົນຫວ່າງງານພາຍໃນອະເມຣິກາ ໃນທ້າຍເດືອນມິນາ ປີ 2009

ຣັຖ	ເປີເຊັນ ຄົນຫວ່າງງານ	ເປີເຊັນປ່ຽນແປງ ເລີ້ມແຕ່ເສຖກິດ ຫົດຕົວ	ທຽບໃສ່ເປີເຊັນ ທົ່ວປະເທດ
Alabama	8.4	+4.7	+0.3
Alaska	8	+1.7	-0.1
Arizona	7.4	+3.2	-0.7
Arkansas	6.6	+1.1	-1.5
California	10.5	+4.6	+2.4
Colorado	7.2	+3.2	-0.9
Connecticut	7.4	+2.6	-0.7
Delaware	7.4	+3.9	-0.7
District of Columbia	9.9	+4.2	+1.8
Florida	9.4	+4.9	+1.3
Georgia	9.3	+4.8	+1.2
Hawaii	6.5	+3.4	-1.6
Idaho	6.8	+4.1	-1.3
Illinois	8.6	+3.3	+0.5
Indiana	9.4	+4.9	+1.3
Iowa	4.9	+1.1	-3.2
Kansas	5.9	+1.7	-2.2
Kentucky	9.2	+3.9	+1.1
Louisiana	5.7	+1.7	-2.4
Maine	8	+3.1	-0.1
Maryland	6.7	+3.1	-1.4
Massachusetts	7.8	+3.5	-0.3
Michigan	12	+4.6	+3.9
Minnesota	8.1	+3.4	0
Mississippi	9.1	+2.8	+1
Missouri	8.3	+3	+0.2
Montana	6	+2.8	-2.1
Nebraska	4.2	+1.4	-3.9
Nevada	10.1	+4.9	+2
New Hampshire	5.3	+1.9	-2.8
New Jersey	8.2	+4	+0.1
New Mexico	5.4	+2.2	-2.7
New York	7.8	+3.2	-0.3
North Carolina	10.7	+6	+2.6
North Dakota	4.3	+1.1	-3.8
Ohio	9.4	+3.6	+1.3
Oklahoma	5.5	+1.4	-2.6
Oregon	10.8	+5.4	+2.7
Pennsylvania	7.5	+3.1	-0.6
Rhode	10.5	+5.3	+2.4
South Carolina	11	+4.8	+2.9
South Dakota	4.6	+1.7	-3.5
Tennessee	9.1	+4.1	+1
Texas	6.5	+2.3	-1.6
Utah	5.1	+2.2	-3
Vermont	7	+3.1	-1.1
Virginia	6.6	+3.4	-1.5
Washington	8.4	+3.8	+0.3
West Virginia	6	+1.4	-2.1
Wisconsin	7.7	+2.9	-0.4
Wyoming	3.9	+0.8	-4.2

Source: Bureau of Labor Statistics

ຈົບ
onelao.com